Involved in Vehicular Accident

Sasakyang Sangkot sa Aksidente, Na-impound ng Pulis

Maraming mga pulis ang nag-iimpound ng sasakyang sangkot sa aksidente regardless kung sinong drayber ang may kasalanan. Ito ay maling gawain. Ang mga sumusunod ang ginagawang dahilan ng pulis sa pag-impound ng sasakyan:

  1. Ang sasakyan ay "Involved in Vehicular Accident" na isang violation sa ilalim ng RA 4136 - Land Transportation Code;
  2. Ang sasakyan ay gagamiting ebidensya sa piskalya kaya dapat nasa kustodya ng pulisya o custodia legis. 
  3. Ang mga sasakyan ay nagamit sa krimen lalong lalo na kung may namatay sa aksidente.
  4. Para mag-areglo ang isang panig.

Una, walang violation sa RA 4136 na "Involved in Vehicular Accident" na nagbibigay kapangyarihan sa pulis na mag-impound ng sasakyan. Ang mayron ay "Reckless Driving" na isang impoundable offense.

Pangalawa, hindi ibig sabihin na naisampa sa piskalya ang kaso, ang sasakyan ay nasa custodia legis na. Nasa custodia legis lamang ang isang bagay kung may order ito galing sa korte. Hindi rin kailangan ma-impound ang sasakyan para gamiting ebidensya pagkat puwede naman ang larawan nito at iba pang ebidensyang nagpapakita ng aksidente.

Pangatlo, ang isang bagay ay puwede lamang kunin ng pulisya kung ito ay ginamit sa krimen "para ito ay kumpiskahin ng estado". Subalit, ang isang sasakyang sangkot sa aksidente ay hindi masasabing ginamit sa krimen base sa kaso ni Superlines v. PNCC, Officer Pedro Balubal, G.R. No. 169596, March 28, 2007, kaya hindi dapat kumpiskahin. Aniya, ang isang drayber na naka-aksidente ay hindi masasabing nagamit ang sasakyang sa paggawa ng krimen.

Pang-apat, walang karapatan i-impound ang sasakyan para gamiting leverage ng pulis o biktima para mag-areglo ang may-ari ng sasakyan. Walang karapatang makilahok ang pulis sa pag-areglo ng kaso.
Samakatuwid, dalawang dahilan lamang para legal na makuha (seize) o mai-impound ang sasakyan:

  • May paglabag na impoundable offense sa ilalim ng RA 4136. Subalit ang sasakyan ay dapat na i-turn over sa LTO.
  • Ang sasakyan ay ginamit sa krimen, halimbawa, pagnanakaw, pagbenta ng droga at iba pa.Sa mga may-ari ng sasakyan na na-impound ang sasakyan na wala sa dalawang nabangit, ang ginagawa ng abogado ay magsampa ng reklamo sa korte kontra sa pulis ng mga susumunod na kaso:
  • Replevin plus danyos- isang sibil na kaso para mabawi ang sasakyan at danyos sa tinamong pinsala sa walang legal na basehang pagkuha sa sasakyan;
  • Ignorance of the law at iba pang kaso.


Mapapansin na ang palaging nai-impound ay ang motorsiklo, tricycle at jeepney, subalit ang mga mamahaling at malalaking sasakyan ay hindi naman samantalang parehas lang naman ang batas.
Previous
Next Post »